StarTalk｜木村光希冰島拍戲挑戰激情場口 認同爸爸木村拓哉屬神顏人物
StarTalk｜木村光希冰島拍戲挑戰激情場口 認同爸爸木村拓哉屬神顏人物
木村拓哉同工藤靜香嘅女兒Kōki木村光希，一出道就備受關注，最近佢再闖影壇，接拍一部冰島愛情電影，幾乎全程英語對白，似乎有意全力向國際影壇進發，雖然呢部係一部相當文藝有詩意、跨越五十幾年嘅文藝電影，但係21歲女嘅Kōki喺片同男主角，有多場大尺度嘅戲份，早前主播 王鎮泉 亦同佢做咗一個訪問，分享佢拍呢部電影嘅挑戰。
Kōki喺戲中同Palmi演情侶，佢大讚對手親切友善又開明，合作過程相當愉快，但係Kōki話要上演感情戲場口，對佢嚟講的確最有挑戰性，不過佢就唔覺得有壓力，事關佢話同團隊們就好似家人一樣關係密切，所以拍攝時完全無擔心同焦慮，加上有動作指導在場，所以Kōki都話拍攝得好順利。
Kōki又透露拍電影時，每日都會致電父母，問吓佢哋意見，佢話爸爸都會叫佢享受其中，盡力而為，Kōki更叫木村將呢句說話寫喺佢嘅劇本上，等佢可以時刻銘記，當遇到迷惘時，Kōki話父母都好快會察覺並加以安慰。講到爸爸木村拓哉被喻為世界其中一位最帥嘅人物，Kōki話佢200%同意呢個講法，佢表示自己工作時感焦慮，都好鐘意睇父母年輕時嘅作品，佢話會比到力量佢繼續落去，佢話父母就係佢最大嘅偶像，佢哋都好出色，喺佢哋身上亦都學到好多嘢。
#木村光希 #Kōki #木村拓哉 #工藤靜香 #冰島愛情電影 #文藝電影 #大尺度 #男主角 #Palmi #情侶 #親密戲份 #挑戰性 #最帥 #偶像 #出色
#TVB #無綫新聞 #News #StayHome #WithMe #跟我一樣 #宅在家